Sosial şəbəkələrdə yayımla

əlçatmaz VİP müştərilər

VİP markalar, mağazalar, maşınlar, yaşayış evləri və digər məhsulları bazara çıxararkən bəzi marketoloqlar həmin müştərilərin nə dərəcədə əlçatmaz və qapalı olduqlarını unudurlar və ya unutmasalar da çətinliyi öncədən görmürlər. Onlar üçün xidmət göstərmək onların fikirlərini və münasibətlərini öyrənməkdən daha asandır. Yuxarı təbəqəli müştərilərin sizin rəsmi sorğu suallarınıza cavab verməyə vaxtı yoxdur və ya vaxtı olsa da özlərindəki eqolar yuxarıdan aşağı baxdıqları intervyuerlerin verdiyi suallara cavab verməyə imkan vermir.

Bəs nə edək? Bu problem araşdırmaçıları ən çox düşündürən suallardan biridir və standard rəsmi sorğu formalarının "A" kateqoriyalı insanları öyrənməyə yetərli olmadığını artıq hamı qəbul edir. Rolls Royce maşını sürən, Armani markasını geyinən, Bvlgari zinət əşyaları taxan, Vertu telefonu ilə danışan və şəhərin mərkəzindəki "Rezidens"lərdən birində yaşayan müştərini harda tapıb məhsulunuz haqda fikrini öyrənmək üçün 5 dəqiqə vaxtını ala bilərsiniz?

İlk sual: onları tapa bilərsinizmi? Tapa bilərsiniz, lakin problem bununla həll olunmur. Belə müştəriləri onların alış-veriş etdiyi mağazalarda, yemək yediyi restoranların çıxışında, getdikləri digər yerlərdə tapa bilərsiniz. Amma, onların 5-10 dəqiqə sizin anketə cavab verməsinə nail ola bilmərsiniz, çünki, VİP-lər narahat olunmağı və istirahət etdikləri zaman kimsə "Niyə bu markanı alırsnız? Niyə burada yemək yeyirsiniz?" və sair kimi suallara cavab verməyi sevmirlər.

İkinci sual: onlar bizimlə səmimi olacaqlarmı? əgər düşünürsünüz ki "Niyə də yox", bu yalnışdır. Belə insanlar tanımadıqları intervyuerlərə öz daxili dünyaları, münasibətləri, fikirləri haqda səmimi məlumat verməzlər. Anketə uyğun olaraq tələsik bəzi cavabları verəcəklər ki intervyuerlər onların qeyri-səmimiyyətini anlamasınlar. Xüsusilə də bizim ölkədə respondentlərin səmimiyyətinin olmadığı bir dövrdə yuxarı təbəqəli insanlar öz səmimiyyətlərini və fikirlərini gizlədirlər.

əgər siz də "A" kateqoriyalı müştərilərinizlə sorğu keçirmək istəyirsinizsə onda ənənəvi araşdırma növləri sizə kömək edə bilməz. Bir çox şirkətlərin rəhbərləri özləri bu araşdırmanı edirlər. Bu metodologiyalar bəziləri "İtimi gəzdirmək (ing: Walking the dog)" və ya "Xəfiyyəlik" etmək kimi adlandırırlar. Bu ifadələr bəzi CEO-ların itlərini gəzdirərkən öz müştərilərilə etdikləri söhbətlər zamanı topladıqları məlumatın oxuduqları rəsmi hesabatlardan daha çox faydalı olduğunu görəndə yaranıb. Misal üçün, premium klas geyim istehsalçılarının marketing rəhbərləri və ya hətta CEO-ları öz mağazalarında müştəriləri ilə səmimi, "onlardan biri" olaraq söhbəti müştərilərin həmin marka, mağaza, xidmət və digər faktorlar üzrə nə düşündükkərilə bağlı daha çox məlumat toplaya bilər, nəinki mağazanın içində intervyuer tərəfindən keçirdiyi anket sorğuları. Çünki, bu növ insanlar öz aralarından və ya öz kateqoriyalarından olan insanlarla daha açıq və sərbəst danışırlar.

Ümumiyyətlə şirkət rəhbərləri anket sorğularından həddindən artıq çox məlumat gözləyirlər. ənənəvi araşdırma növlərindən əlavə, rəhbərlərin qeyri-rəsmi araşdırmaları müştərilərlə ünsiyyət saxlamağa, onların daxili aləmlərini anlamağa, səmimi fikirlər toplamağa imkan verir. 1993-cü ildə İBM bazarda öz mövqeyini itirərkən  CEO təyin olunan Luiz Gretna (Louis Gretna) altı ay ərzində heç bir rəsmi araşdırma etmədi. Özü müxtəlif ölkələri gəzərək satış adamları, distributorları, müştərilərilə söhbətlər etmişdi və geri qayıdanda həddindn artıq geniş məlumatla dolu gəlmişdi. Bu məlumatlar İBM-i yenidən ayağa qaldırmağa kömək etmişdi.

Daima öz müştərilərinizlə danışın, onları dəhşətli bir saatlıq anketlərinizlə qorxutmayın. Müştərilərinizlə dost olun, onların çevrələrinə daxil olub həyat tərzlərini daha yaxından müşahidə edin. Hətta qeyri rəsmi etdiyiniz araşdırmada rəsmi anketlər üçün hipotezlər də yarada bilərsiniz. Bu yolla həm də araşdırma şirkətinizə müştərilərə düzgün istiqamətdə yanaşmağa yardım etmiş olarsınız.

Baxılıb: 3974

Şərhlər