"Azərkimya" üçün loqo tapıldı

2010-07-20

İyun ayının əvvəlində ARDNŞ-nin “Azərikimya” İstehsalat Birliyi üçün loqotipin hazırlanması ilə əlaqədar elan edilmiş müsabiqə yekunlaşmışdır. Reklam agentliklərinin, həmçinin emblem və loqotiplərin hazırlanması üzrə təcrübəsi olan rəssam və dizaynerlərin dəvət olunduğu bu müsabiqəyə bir ay ərzində respublikamızın müxtəlif şəhərlərindən 20-ə yaxın müəllifin 240-a qədər loqo eskizi təqdim olunmuşdu. “Azərikimya”nın müsabiqə üzrə münsiflər heyətinin sədri, Birliyin baş direktorunun müavini Xalıq Mustafayevin bildirdiyinə görə, müsabiqəyə həm rəsm şəklində, həm də kompüter tərtibatı ilə təqdim edilmiş işlərin əksər hissəsi qoyulan tələblərin əhatə olunması, orijinal işlənmə tərzi baxımından maraq doğurduğundan münsiflər heyəti həmin işləri obyektiv dəyərləndirmək üçün bir neçə mərhələdə müzakirə keçirmişdir. O da maraqlıdır ki, eskizlər əvvəlcədən ad-familiya ilə deyil, kodlaşdırılmış şəkildə təqdim edildiyindən münsiflər heyətinin üzvləri hansı işin kimə məxsus olduğunu sonadək bilməmişlər. Münsiflər heyəti tərəfindən geniş və qızğın müzakirənin yekunu olaraq əvvəlcə uğurlu hesab edilən 10 iş, daha sonra bunların arasından 3 eskiz seçilmişdir. Nəhayət, həmin 3 iş arasından dizayner Vüsal Həsənovun təqdim etdiyi 7 eskizdən biri - şərti kodu 23 olan eskiz ən uğurlu hesab edilərək, “Azərikimya” İstehsalat Birliyinin loqosu kimi qəbul olunmuşdur. Loqodakı dairəvi başlıqlı 3 qövsvari sadə element Birliyin adının baş hərfi olan “A”nı ifadə etməklə yanaşı kimya aləmini - atom birləşmələrinin aramsız hərəkətini xatırladır. Təqdim olunmuş loqo eyni zamanda düşüncədə böyük gələcək, həyatın yüksək dinamikası, kosmik sürətlə bağlı geniş və xoş bir assosiasiya, yüksəlişlərə səsləyən duyğu yaradır. Bütünlükdə loqo özündə sürətli inkişaf, müasirlik və inamlı sabah mənalarını əks etdirir. Müsabiqənin qalibi Vüsal Həsənov Azərbaycan Dövlət Pedaqoji Universitetinin magistrantıdır. Gənc olmasına baxmayaraq, Azərbaycan Milli Elmlər Akademiyasının Botanika İnstitutunun və respublika Botaniklər Cəmiyyətinin loqotiplərinin müəllifidir. Bu günlərdə “Azərikimya”nın loqosunun müəllifi Vüsal Həsənov İstehsalat Birliyinə dəvət edilmiş və müsabiqənin qalibi üçün nəzərdə tutulan mükafat münsiflər heyəti tərəfindən təntənəli şəkildə ona təqdim edilmişdir.

mənbə: ARDNŞ

Baxılıb: 582

Şərh bildirmək üçün Sistemə daxil olub yenidən Ana səhifəyə qayıdın

Daxil ol

Şərhlər(21)

	Azerbrand 2010-07-23 21:04
	'Azerbrand, məni tanıyan tanıyır, işlərimlədə bir çox şirkətlərə (McCan, FS) müraciyyət edib tanış ola bilərsiniz. Sırf sizə özümü təqdim etməyə ehtiyyac görmürəm.' Indi gecdi, 1-ci gün deputatskiy zapros verərəm adı çəkilən şirkətlərə :) 'Bu arada guya ArzuSal mənim postumu görməz oldu. Hər kəsin işini geninə boluna tənqid edən şəxs özünün tutarlı bir işini ortaya çıxarmadı. Rus demişkən, çto i trebovalos dokazat.' by Scientology Belə sözləri yazan adamın 14 gün (!) fikirləşib verdiyi cavabı həqiqətən də gülüncdür :) Yenə mövzulardan birində adınızı (Samir Hüseynov?) yazmaysadınız nəsə... Bu sayta girib özlərinə aktiv şəkildə qara PR edənlərdən məncə psixoanaliz üçün maraqlı subyektlər çıxar. Əbəttə ki, bu bir fakt olaraq sadəcə mənim obyektiv fikrimdir :)


	propaganda 2010-07-23 20:26
	bu şəkildə onlar bir birinə nə ötürür? press-relizi yazana halaldı! görünür insan həqiqətəndə əziyyət cəkib.


	Scientology 2010-07-23 20:11
	Fikrimdə qalıram. Fikrimidə saytın xeyri üçün dedim, day kiminsə qul qoyması üçün yox. Qəbul etmirsiz, olsun onda adme.ru-nun Azərbaycan versiyası. :)))) Azerbrand, məni tanıyan tanıyır, işlərimlədə bir çox şirkətlərə (McCan, FS) müraciyyət edib tanış ola bilərsiniz. Sırf sizə özümü təqdim etməyə ehtiyyac görmürəm.


	Azerbrand 2010-07-22 15:26
	Yenə qaçıb getdi.. :) Mən nə dedim ki? :) Scientology, olmaya utanırsınız işlərinizdən? Link verin baxaq, bəlkə həddindən artıq tənqidi yanaşırsınız özünüzə, bəlkə elə də pis deyil...


	A-F-E-T 2010-07-22 12:54
	Dizayndan əlavə digər əsas olan təqdimatdır... o da deyəsən təqdimatı yaxşı bacarıb) mənim xoşuma gəldi rəngləri də uyğundur çirkli kimyəvi rənglər... halal olsun


	Maliko 2010-07-22 12:07
	Doğurdan bəs öncədən tələb kimi qoyulanara heç uyğun olmadı axı.. Hanı bu loqoda milli bayraq rəngləri, hanı Sumqayıtı təsvir edən element?! Tarakama da düz deyir, AzərKimya hara AzəriKimya hara.. Bu loqo yaxşı olmasına, yaxşıdır. Amma loqonun açıqlamasına qaldıqda isə.. atom belə gəldi sabah elə getdi.. Yox bir kələm dolması..


	mARket 2010-07-22 09:58
	Ümumiyyətlə araşdırmanı, ya şirkətin araşdırma-tədqiqat şöbələri, yada ki, sırf bu işlə məşğul olan şirkət/agentliklər görür. Hər iki halda araşdırmalar konkret məqsəd üçün istifadə olunur.. Hobbi üçün, yada başqalarının maariflənməsi üçün bu işi eliyən az adam tapılar.. Ona görə də admin üçün biraz çətin işdi buranı araşdırma güşəsi eləmək.. Ama xatırlayıram ki, Business İnsights öz araşdırmalarını yerləşdiridi... Maraqlı da alınırdı.. Sonda: bu yaxınlarda Amerikada dostuma qonaq olan bir yerlimizdən deyim... dostuma iki sual verib. 1. Amerika böyükdü yoxsa Ştat? 2. Facebook internet deməkdi? Amerikaya gedib çıxasan bu qədər... Mən deyirəm ki, insanlar dilinin altında gizlənirlər.. Danışan kimi tanınırlar..


	mak 2010-07-21 18:51
	scientology, meslehetdir marketinq kitablarina bir de baxasiz, bir de marketin de kommentine yeniden goz gezdiresiz... arashdirma her gun olan mesele deyil, meslehet meselesi lap qaranliq qaldi, pulsuz consulting isteyirsiz yoxsa burani marketing wikipediasi edek? mueyyenleshin zhmt olmasa


	Azerbrand 2010-07-21 17:09
	Yoldaş 'kulinar', deyəsən tətil qayıtmısınız :) Mənim Marketinq filanla işim yoxdur, sadəcə xahişimi təkrar etmək istərdim: sizin işlərə necə baxmaq olar? Forumda soruşdum gülüb getdiniz...


	Scientology 2010-07-21 13:43
	Reallığı bizim özümüz yaradırıq. Siz gündə bir loqotip qoymaqla guya nəsə etdiyinizi sanırsınızsa, səhviniz var. Marketoloqun nə işinə Azərkimyanın loqotipi dəyişdi.... Marketoloqu bazarda olan ümumi abu-hava, müxtəlif araşdırmalar, məsləhətlər maraqlıdı. Reklam və loqotiplər üçün studiyaların səhifələri və adme.ru kimi sayt var. Ya siz saytın profilini dəyişin, yada maraqlı məqalalər, marketinq araşdırmaları aparın. Bu bir məsləhətdi. Aqresiyanı saxlayın özünüzdə.


	mak 2010-07-21 13:21
	siz ölkənin marketinq bazarına arada bir baxın, görəcəksiniz ki, elə nə var o da burdadır... reallığı qəbul etmək lazımdır


	Scientology 2010-07-21 13:18
	Mən burada bir marketinq araşdırmaları, məsləhətlər görmədim. Sırf adme.ru nu copy paste etmək cəhdi. Yalnız reklam və loqotiplər, ciddi məsələlər və araşdırmalara isə görünür potensialınız çatmır.


	mARket 2010-07-21 11:57
	mak, Scientology düz buyurur daaa.. brend making, corparate identity, Mmix... bunların nə əlaqəsi var marketinglə.. Nəzərə alaq ))))


	mak 2010-07-21 11:42
	scientology deyəsən marketinqi təzə oxumağa başlayırsız


	Tural Piriyev 2010-07-21 09:57
	i))))


	Scientology 2010-07-21 00:50
	Bu sayt olub başqadan ayağa loqotiplər, nəlibim tərtibatlar saytı. Bəs marketinq hanı? Əsl parketinq elə buralıqdı deyəsən.


	Tarakama 2010-07-20 16:43
	A-F-E-T ARİEL qablaşdırmasının üzərində görmüsünüz onu


	A-F-E-T 2010-07-20 16:40
	Yaxşıdır... amma simvolu elə bil hardasa görmüşəm o_O


	Tarakama 2010-07-20 14:57
	müsabiqənin səbəbkarına da bir sualım var: balam, nooldu birdən-birə AZƏRKİMYA döndü AZƏRİKİMYA oldu? Bu 'Azəri' sözü hardan gəldi qondu bizim dövlət qurumlarının üstünə?


	Tarakama 2010-07-20 14:53
	əla loqotipdi! qrup şəklində 'sıx-sıx əlaqələri' tərənnüm edən jurnal, veb-sayt ya da qeyri-hökumət təşkilatı üçün də yarayar. bir baxın: üç nəfər necə də qol-boyun olub, sarılıb bir-birinə)))


	mARket 2010-07-20 14:51
	Aaaaaaaaaaa, bəs bayraq rəngləri, fabrik, qır qazanı hardadı... ))) Sadə gözəl olub.. sürətli inkişaf, müasirlik və inamlı sabah, eyni zamanda düşüncədə böyük gələcək, həyatın yüksək dinamikası, kosmik sürətlə bağlı geniş və xoş bir assosiasiya, yüksəlişlərə səsləyən duyğu...