Sosial şəbəkələrdə yayımla

Reklamlarda qorxu faktorları

Bu gün Lindstromun kitabini oxuyanda maraqli bir məqamla rastlaşdım. Reklamlarda və ümumiyyətlə  marketinq komunikasiyalarında insanların qorxu hisslərinə yönəlmək və hətta uşaqlıqdan qalan qorxu assosiasiyalarından markanın xeyrinə istifadə etmək. Lindstrom bunu Somatic Marketing-in bir hissəsi kimi göstərmişdi. Hər məhsul və ya markanın adı ilə müəyyən hisslər, assosiasiyalar yaranır. Amma diqqətimi çəkən insan qorxularından “istifadə” olunmasıdır.

Bizim emosiyalarımızın generatoru bizim qorxularımızdır. Qorxu şüuraltımızda bu hisslərdən azad olunmaq üçün ozümüzdən asılı olmadan həmin qorxu nöqtəsinə  vuran reklamdakı markanı gedib alırıq. Burada heç bir rasional alışdan soz getmir. Biz mağazada əlli min yoqurt marka arasından instinktiv olaraq Activia seçməyimizin səbəbi bizim dəfələrlə reklamlarda özümüz düşdüyümüz utandırıcı və narahat situasiyaların göstərilməsidir. Activia alarkən qadınların beyni belə danışır “Yox, mən bu həzm probleminə həyatımı korlamağına icazə vermərəm! Bu məni arıqladacaq. Bəli, sən düzgün seçim edirsən. Al onu!”.. gülməli görünsə də, rəflərin qarşısında durub marka seçərkən bizim alışımıza əvvəlki təcrübələrimizdən qalan hisslər, reklamdan təəssüratlar, dostların məsləhətləri və sair və ilaxir hamısı bərabər təsir edir. Əlbəttə bunu özümüz heç hiss etmirik, bu bizim beynimizdəki neyronların günahıdır. Alışdan sonra soruşsaq “niyə Activia?”, 99% deyəcək ki, həzmə kömək edir. Amma əslində qadınlar həzm problemindən deyil, o həzm probleminin törətdiyi qorxulardan azad olmaq istəyirlər.

Və ya daha çox negativ müzakirə  olunan Paradontax diş məcunun reklamı. Yadınızdadır dişi fırçalayanda qanlı diş necə düşür? Dəhşət, çox iyrəncdir!! İyrənc? Yoxsa Qorxulu? ətrafımdakı insanlardan çoxu, içi mən də qarışıq o reklamdakı kimi dişi itirməmək üçün Paradontax aldıq. Effekti oldu, ya olmadı o tamamilə ayrı məsələdir. Amma fakt olaraq, reklam bizim diş itirmək qorxumuza vuraraq alış impulsu yaratdı.

Şampunlardan danışanda uşaqlıqdakı göz yanmaları, qızartılar, ağlaşmalar yada düşür. İstənilən yaşda gözə şampun düşəndə yandırır. Reklamda “Yaşarmayan gözlər” eşidən kimi uşaqlıqdakı o qorxulardan azad olmaq üçün Johnson’s Baby alırıq.

Domestos-un”Mikrob işğalı” qadınların  ən çox qorxduğu mikroblara yönəlib. Birdən uşağım xəstələnər, birdən mikrob paltardan bədənə keçər, birdən uşaq mikroblu yerlərə əl vurar və digər “birdən”lərə  görə araşdırma zamanı Domestos ən yaxşı mikrob öldürən təmizləyici çıxır. Mikroskop altında olan o mikrobları göstərməklə  bizim qorxulu assosiasiyalarımızı canlandırır və əlbəttə ki ondan qurtulmaq üçün çıxış yolu Domestos almaqdır, ən azından hisslərimiz belə deyir..

“Qorxu faktoru” Garant Sığortanın reklamında da görmək olar. Yeni ev almışdılar, və yanğın çıxdı. O reklama baxanda əminəm ki ağlınızdan belə fikirlər keçib “Allah göstərməsin, dəhşətdi!”. Bəlkə də reklamı hazırlayanlar bunu düşünməyib, sadəcə əyləncəli stildə çəkiblər. Amma o reklama olan reaksiyalar həqiqətən fərqliydi. Sanki bir daha yada salırdı ki, istənilən anda sizin də ev yana bilər. Və elə bu anda qorxu hisslərimizin dominantlığı altında sığortalanmaq qərarı qəbul olunur..

OMO-nun niyə “Kirlənmək gözəldir”  devizi seçdiyini düşünmüsünüz? Onların xüsusilə son reklamlarında uşaqların kirlənmək qorxularına görə sərbəst olmadıqlarına vurğulanır. Həmişə bunu sadəcə paltarlar və təmizliklə bağlırdım. Ama daha dərinə baxanda analar ləkələrin getməyəcəyindən qorxub uşaqlara sərbəstlik vermirlər, uşaqlar da analarının şiddətinnən qorxub paltarı təmiz saxlamaq üçün toza kirə bulaşmırlar. Yəni, uşaqlıqlarını doyunca yaşamırlar.

Reklamlar insanların beyinlərinə  daxil olub emosiyalarla oynayırlar. Amma əlbəttə ki effektiv reklam. Reklamım ən baxımlı TV və radio kanallarda yayımlandı, tanınmam artdı... Bu effekt deyil. Effekt sizin reklamın alıcının beyninə həkk olunmasıdır. Sokrat deyib ki, “bizim şüurumuzu yapışqanlı bir divar kimi təsəvvür edin, bizim qavradığımız və dərk etdiklərimiz həmin divarın üzərinə yapışır, möhürlənir”.  Siz də elə edin ki reklamınız alıcının beyninə “yapışsın”. Necə edək soruşsanız, bu artıq ayrı mövzudur. 

Baxılıb: 4955

Şərhlər(4)

Şərhlər (4)

Eles Eles
Men demezdim zor cekibler ....
mr ReShaD mr ReShaD
hyundaiin reklamini ama zor chekmisdiler
rustem rustem
Yox Hyundai reklamı çəkməyə başlayanda hələ bu məqalə ortaya çıxmamışdı:)
nigar nigar
Maraqlıdır.Yəqin Hyundai sizin məqalənizi oxuyub qorxulu reklamı çəkibmiş)))